فيلم بيت الصقور السبعة The House of the seven Hawks
فيلم قديم أبيض وأسود .. والأفلام دي بيبقى ليها كده أجواء.. وستايل معين .. مفضله من ناس كثير.. وأنا واحده منهم.
هو فيلم جريمة وإثاره وغموض.. عن كابتن “نوردلي” .. قائد على سفينة سياحية 
…لكنه ساعات كده بيتطلع بره الحدود الإقليمية .. عشان يهرب بعض المنتجات ويبيعها للمكسب الشخصي.
بيركب معاه مره زبون “انسليم” عشان ياخده في رحلة سياحية.. لكنه بيطلب منه أنه يخرج بره الحدود ..ويوديه هولندا مقابل مبلغ كبير من المال… وطبعا بيوافق. 
أثناء الإبحار.. حيفاجأ كابتن “نوردلي” ان الراكب توفى 
فيبلغ السلطات .. اللي بتقبض عليه في الحال .. لأنها مش مجرد حالة وفاه ..دي جريمة قتل واللي مات مش أي حد 
وفي محاولة كابتن “نوردلي” لإثبات برائته حنكتشف حقائق كثير .. صادمة وغريبة .. شخصية القتيل الحقيقية و سبب موته، وتدور أحداث الفيلم ..
الفيلم مأخوذ عن قصة بنفس الاسم للكاتب “فيكتور كانينج” عام ١٩٥٢
فيلم The House of the seven Hawks
بطولة: روبيرتو تايلر – ليندا كريستين- دونالد والفيت
نوع الفيلم: جريمة – دراما – غموض
إنتاج: ١٩٥٩
مناسب للمشاهده العائلية
