مسلسل القاضي الشيطان The devil judge
مسلسل القاضي الشيطان The devil judge؛ هو مسلسل ليه شهرته ما بين محبي الدراما الكوريه، وواحد من اكثر المسلسلات اللي ناس كثير بترشحه ومجمعه عليه، انه واحد من اروع المسلسلات الكورية عامة؛ ومسلسلات “جي سونغ” خاصة.
كعادة المسلسلات الكورية تتميز بالمواضيع والتناول المختلف، “بره الصندوق” بجد، الناس دي مش بتهزر يا جماعه، صحيح مشكلتهم الوحيده كانت في الاداء التمثيلي، لكن بقالهم فتره بيتطوروا فيها جامد، والدليل على كده المسلسل ده.
البطل “جي سونغ” اداءه التمثيلي اكثر من رائع، في حتى تانية لوحده، وبالرغم ان المسلسل يعتبر متكامل إلى حد كبير.. الا انه البطل يعتبر هو المقوم الأساسي في نجاح المسلسل.
قصة مسلسل “القاضي الشيطان The devil judge” باختصار؛ عن قاضي مر بتجربة صعبه فقد فيها اخوه الوحيد، ويظل القاضي يحاول ان ياخد حقه من الشخاص اللي كانت سبب في نشر الفساد والظلم في البلد والانتقام منهم؛ ويحقق العدل برؤيته وبطريقته الخاصة، اللي بتظهر في كثير من الأوقات انه هو نفسه الشرير ” الشيطان”. وده من خلال مجموعه من المحاكمات (on line)، ايون محاكمات على الهواء مباشرة والناس بتعمل تصويت كمان..
الحقيقه ان مسلسل “القاضي الشيطان The devil judge” في اسقاط سياسي قوي؛ وطبعاً عشان كده المسلسل المفروض انه في عصر وزمن تاني.
ميزة المسلسل كمان الاداء التمثيلي الرائع لأبطال، ذي ما ذكرنا”جي سونغ” والبطلة”كيم مين جونغ” ودي حدوته لوحدها، وكمان النهاية كانت محبوكه ومرضيه.
مسلسل “القاضي الشيطان The devil judge”
التصنيف : دراما قانونية / جريمة / غموض
عدد الحلقات : 16
أبطال الدراما : جي سونغ -بارك حين يونج – كيم مين جونغ
انتاج سنة : 2021
المسلسل تقيمه على IMDb rate : 8.5/10
على Asia2Tv : 9.7/10
تقيم حدوته ع النوته :9.7/10
