فيلم الأرملة السوداء 1954 Black widow
“بتدور أحداث الفيلم في عالم الفنانين، فالفنانه المشهورة المغروره “لوتي” وزوجها التابع ليها “براين” اللي بيشارك “لوتي” وهي بتعمل حفلاتها الصاخبه
وبتعزم ناس كثير، وفي أحد الحفلات بيحضر صديقهم وجارهم في نفس المبنى
المنتج “دينفر” بناءاً على الحاح زوجته الفنانه “ايريس” عشان ميفضلش لوحده وهي مسافره
.
بيصادف المنتج احد المدعوات”نانسي”ويتكلم معاها؛ واللي باين في مظهرها أنها بنت رقيقه و بريئة؛ بتكلمه أن عندها اسكريبت عايزاه يشوفوه؛ فبيوافق مبدئياَ؛ وبيخليها تيجي عنده البيت تكمل كتابة الاسكريبت
.
في الوقت ده بيكون حاكي لمراته كل حاجه من خلال التليفون
، ولما مراته بترجع من السفر.. يفاجأ الجميع .. أن البنت”نانسي” منتحره عنده في الشقه 
طبعاً المتهم الأساسي بيكون المنتج، وبيتفاجئ أن في كذا حد بيشهد ضده .. وقبل ما ضابط الشرطه
يقبض عليه .. بيهرب علشان يحاول يثبت برائته.. خصوصا أن كل الادله تدينه.
نتيجه تظهر عدة أدله، حتخليك تشك في كذا حد، الفنانه المشهوره “لوتي” وجوزها “براين” وزوجته “ايريس”. فيا ترى هل المنتج هو القاتل الحقيقي ولا مين ؟!
الفيلم حلو وخفيف مفهوش أي مشاهد دمويه .. البلوت تويست كان واضح بالنسبالي من نص الفيلم.. واكتشفت القاتل 
بس في المجمل هو فيلم ممتع وراقي .. مشاهده ممتعه.
فيلم “الأرملة السوداء1954 Black widow”
النوع: جريمة – غموض – اثاره
بطولة: جينجر روجيرز- فان هيفلن- جورج رافت
سنة الاصدار :1954
*مناسب للمشاهده العائليةالنوع: جريمة
