فيلم عندما كانت مارني هناك When Marnie Was There
لمحبي أفلام الأنمي، فيلم “عندما كانت مارني هناك When Marnie Was There” هو أحد أفلام استوديو جيبلي Ghibli المعروف بانتاجه للقصص المميزة ….وتناولها بفنتازيا جديده من نوعها.
الفيلم بيحكي عن قصة “انا Anna” طفلة متبناه بتعاني في التعامل مع الناس… وعندها إحساس انها قبيحه ومفيش حد عايز يعرفها او يبقى معاها. “أنا” بتتعرض لمشاكل صحيه… فتسافرها امها بالتبني لقضاء بعض الوقت عند أحد الأقارب في مدينة تانية تتميز بالجو النقي عشان تستعيد صحتها.
وفي المدينة بتتشد لأحد البيوت المهجوره … بتصادف فيه بنت إسمها “مارني” بتظهر فجأه وتختفي فجأه وكأنها شبح ويصبحوا أصدقاء.. و بتطلب إن صداقتهم تفضل سرية..
بتتطور صداقتهم.. ومن خلال عدة لقاءات .. بتكتتشف أنا إن البنت دي هي جدتها.. وهي صغيره بتحاول توضحلها إيه سبب ابتعاد أهلها عنها… وإنهم ماسابوهاش لإنهم مش عايزينها.
فيلم عندما كانت مارني هناك When Marnie Was There
الفيلم إنتاج شركة جبيلي المميزة عن قصة للكاتب البريطاني ” جون روبنسون” الصادرة عام ١٩٦٧
*الفيلم عرض 2014
*تصنيف الفيلم: انمي- فانتازيا- دراما
*مدة العرض: ١٠٠ د تقريبا
*مناسب للمشاهده العائلية
