فيلم تجيبها كده تجيلها كده هي كده

الفيلم بطولة الكوميديان العبقري سمير غانم الله يرحمه، وفاروق الفيشاوي في دور صاحبه، اما البطولة النسائية للجميلة الرقيقه مديحه كامل وليلى علوي.

بتدور احداث الفيلم في مؤسسه حكومية شغالين فيها ابطال الفيلم، بيعجب سمير غانم بالموظفة الجديده مديحه كامل لكنها معجبة بصديقة الانتيم فاروق الفيشاوي، بيتعقد سمير وبيحاول الانتحار لكن بيفاجاء بجواب من معجبه انها حتموته لو متجوزهاش، فبيفضل شاكك في كل اللي حواليه، لكن مشكلته بتتحل بمساعدة اصدقائه وزمايله في المكتب، وطبعا الكثير من المواقف الكوميدية، وخصوصاً مع مديره الكوميديان العبقري اللي ماخدش حقه ” ابراهيم سعفان” ومننساش ابو كنيش الاصفر اللمعجبه بسمير غانم وعايزة تتجوزه بالعافيه.

فيلم تجيبها كده تجيلها كده هي كده
الفيلم انتاج : 1983

بطولة: سمير غانم – فاروق الفيشاوي – مديحه كامل – ليلى علوي
نوع الفيلم: كوميدي
مناسب للمشاهدة العائلية