فيلم دعوة الوحش A Monster Calls

الفيلم بجد من أروع الأفلام اللي ممكن تشفها.. رغم انه كئيب ولازم اعيط كل مره، بس بحب اشوفه، بالرغم اني مش بحب تعذيب النفس خالص.. لكن في افلام مينفعش تفوتها .. وده واحد منهم.

الفيلم ومنعا للحرق، لان بجد برشحه بشده لاي حد مشفهوش، عن طفل امه مصابه بمرض خبيث.. وفي أيامها الاخيره.. وعن صراعه النفسي في المرحله دي.. من خلال تخيله لشبح في شكل شجرة .. بيتواصل معاه عشان يفهمه حقيقة مشاعرنا في المواقف المختلفه وازاي ممكن تكون متضاربه في اوقات.

الفيلم فاز بـ ٣٩ جائزة ورشح لـ ٥٧، ومفاجاة الفيلم بالنسبالي، ان وحش الشجرة قام بالأداء الصوتي الممثل الشهير، “ليم نيسون” اللي كان مميز اوى اوى.

الفيلم كمان مأخوذ عن رواية للأطفال بنفس الاسم والتي تعتبر الوحيدة من نوعها اللي فازت بجائزتي “Carnegie and Greenaway” مع بعض.

تناول المخرج الرواية بأسلوب اكثر من رائع بجد، من خلال مجموعه قصص لتوضيح المشاعر المتضاربه في العقل الاواعى.

فيلم دعوة الوحش A Monster Call
الفيلم عرض ٢٠١٧
إنتاج أمريكي
تصنيف الفيلم: فانتازيا- دراما- إثارة.
*مناسب للمشاهده العائلية (غير مناسب للأطفال او الكبار اللي فقدوا حد عزيز عليهم قريبا او في مرحلة مرض متاخرة – غير مناسب للأطفال الصغار ممكن يخافوا من شكل وحش الشجره).

*التقيم على Imdb ٧.٤
تقيم حدوته على النوته ٩