فيلم 7 زوجات لـ 7 اخوه Seven brides for Seven Brothers

لمحبي الأفلام الميوزيكل musical .. والايت كوميدي، ده واحد من أفضل الأفلام في الفئة دي..

فيلم (7 زوجات لـ 7 اخوه Seven brides for Seven Brothers)،بتبتدي قصة الفيلم عن “آدم” ذو البنيان القوي، اللي جاي من الريف وباين عليه وعلى تصرفاته علمات الهمجية وافتقاره لاي من اساليب التعاملات المهذبة والاتيكيت.

كل فترة ينزل المدينة يبيع منتجات المزرعة بتاعته..عشان يجيب مستلزمات تكفيه وتكفي اخواته السبعة، والمره دي كان نازل وناوي يجيب المستلزمات .. وكمان زوجة قوية وعفية.. عشان تخدمه هو واخواته .. تنضف وتطبخ من الفجر للعصرية.

ووقعت عينه على “مولي” وكانت مطابقة لمواصفاته.. بنت بتشتغل في حانه .. بتخدم وتقدم الوجبات لكل الزوار.. تبقى هي دي اللي عليها العين والنية ..

ويتقدملها في لحظتها “ادم” وتوافق “مولي” الي فاكره انها حتهرب من الخدمة في الحانة.. عشان تستقر في بيت الزوجية..

عشان تفاجأ انها حتعيش معاه هو وأخواته السبعة (الهمج).. في مزرعة تكاد تكون خرابة .. منتظراها عشان تنضف وتوضب وتطبخ.

لكن “ميلي” بطبيعتها المتفائلة.. حتغير الاوضاع .. و يتحول الأخوات من همجين لجينتلمين مهذبين..
بس يا ترى حيتجوزوا بنات مره واحده ازاي .. والمدينة طارداهم، وعارفين انهم همج ..

الفيلم مقتبس من قصة القصيرة بعنوان “The Sobbin ‘Women” للكاتب ستيفن فنسنت بينيت، واتعملت كذا مسرحية

ده غير انه فاز بجائزة الأوسكار لأفضل فيلم موسيقي وتم ترشيحه لأربع جوائز آخرى، بما في ذلك أفضل فيلم.

وفي عام 2006، اختاره معهد الفيلم الأمريكي كواحد من أفضل الأفلام الموسيقية الأمريكية على الإطلاق. وفي عام 2004، تم اختياره للحفظ في سجل الأفلام الوطني الأمريكي التابع لمكتبة الكونجرس باعتباره “ذو أهمية ثقافية و تاريخية “.

فيلم 7 زوجات لـ 7 اخوه Seven brides for Seven Brothers
النوع: غنائي – لايت كوميدي – روماتسي
بطولة: جين پول -هوارد كيل – وجيف ريتشاردز
إنتاج:????