فيلم “في مكان ما في الوقت المناسب 𝙎𝙤𝙢𝙚𝙬𝙝𝙚𝙧𝙚 𝙞𝙣 𝙏𝙞𝙢𝙚”
لمحبي الأفلام الرومانسية الكلاسيكية
ده واحد من أوائل الأفلام اللي استخدمت السفر عبر الزمن 
.. عشان يطلع بفيلم رومانسي مختلف أوي أوي.
قصته (في شوية حرق
)
الكاتب “ريتشارد” .. بيحتفل مع أصدقائه بنجاح مسرحيته… عشان فجأة تخش عليهم ست عجوز.. تروح لـ”ريتشارد” وتديله حاجه في ايده .. وتقوله ^^𝐂𝐨𝐦𝐞 𝐁𝐚𝐜𝐤 𝐭𝐨 𝐌𝐞 ^^
بس كده .. أه بس كده
بيبص في أيده .. لقاها ساعة ذهبية قديمة 
… والست مشيت، ورجعت لفندقها 𝐆𝐫𝐚𝐧𝐝 𝐇𝐨𝐭𝐞𝐥.
الموقف ده فضل معلق في دماغ “ريتشارد”.. وبعد مرور ٨ سنين.. مش عارف يكتب فيهم ولا كلمة ..بيقرر يطلع رحلة .. عشان يصفي ذهنه .. ويعرف يكتب من تاني .. فتاخده الأقدار لفندق 𝐆𝐫𝐚𝐧𝐝 𝐇𝐨𝐭𝐞𝐥
حيشوف في الفندق صورة أبيض وأسود لفتاة جميلة.. حتسحره بجمالها .. فيها حاجه غريبه حتخليه يقعد يبحث عنها، عشان يكتشف انها كانت ممثلة في مسرحية كبيرة سنة ١٩١٢ واسمها “أليس”
حيقعد يبحث ويبحث، ويفاجأ إن صورة الممثلة “أليس”وهي عجوزه .. هي نفسها الست العجوز اللي جاتله في الحفله…فحيبقى عايز يشوفها ويرجع بالزمن عشان يفهم لغز الساعة الذهبية
وتستمر المفاجأت و الأحداث….
الفيلم قصته جديدة ومختلفه جداً .. في وقته.. وتنفيذه .. حيخطفك ويشدك ..
بطولة واحد من الممثلين الأشهر وقتها ” كريستفور ريف” المعروف بأول “سوبر مان ” اللي العالم كله اتأثر بقصته، حيث أصيب بالشلل الكامل أثر سقوطه من على حصان.
الفيلم رشح وفاز بعدة جوائز أوسكار، وبيتميز بالموسيقى الساحره، ومقتبس من رواية لنفس الكاتب 𝐑𝐢𝐜𝐡𝐚𝐫𝐝 𝐌𝐚𝐭𝐡𝐞𝐬𝐨𝐧، باسم 𝐁𝐢𝐝 𝐓𝐢𝐦𝐞 𝐑𝐞𝐭𝐮𝐫𝐧 (𝟏𝟗𝟕𝟓).
الفيلم شفته مره واحده زماااان، بس فضل معلق في ذهني ..لغاية ما دعبست وشوفته تاني.. زي بطل الفيلم بالضبط.. 
فيلم “في مكان ما في الوقت المناسب 𝙎𝙤𝙢𝙚𝙬𝙝𝙚𝙧𝙚 𝙞𝙣 𝙏𝙞𝙢𝙚”
النوع: فانتازيا – رومانسي
بطولة: كريستفور رييف Christopher Reeve – جين سيمور Jane Seymour
انتاج: 𝟏𝟗𝟖𝟎
