فيلم مجذوبة القمر Moonstruk

فيلم لايت كوميدي رومانسي. حاجه تفصل بيها يومك بعد يوم عمل طويل.

بتدور قصة الفيلم عن”شير” أرملة تنتمي لعائلة من الجالية الإيطالية في أمريكا، على علاقة بـ “جوني” واللي فاجئها بطلب ايديها للزواج، وحيتجوزوا أول ما يرجع من سفارية مهمة لزيارة والدته لأنها بتحتضر،

اترددت”شير” في البداية لأنها تظن أنها منحوسه، فزوجها الأول توفى بعد سنتين في حادث تصادم، لكنها في الآخر وافقت ..

فطلب منها “جوني” تعمل له خدمه وهو مسافر، وهي إنها تكلم أخوه ” نيكولاس كايدج” (بينهم قطيعة) وتعزموا على فرحهم.

المفاجأة كانت في رد فعل أهلها.. ورد فعل أخوه عند معرفة قرار الزواج.. واللي حيكون ليه دور كبير في تغير مسار الأحداث.

الفيلم رشح لستة ترشيحات في حفل توزيع جوائز الأوسكار الستين، وفاز بثلاثة لأفضل ممثلة (شير)، وأفضل ممثلة مساعدة (دوكاكيس)، وأفضل سيناريو أصلي (شانلي). وإجمالا فاز بـ 18 جائزة ورشح لـ 19.

يشاركها بطولة الفيلم “نيكولاس كايدج” في دور الأخ.. وكان صغير جدا في الفيلم ده.

فيلم مجذوبة القمر 𝐌𝐨𝐨𝐧𝐬𝐭𝐫𝐮𝐜𝐤
النوع: كوميدي- دراما – رومانسي
بطولة: شير – نيكولاس كيدج
إنتاج:1987
غير مناسب للمشاهدة العائلية(مشهد واحد)