مسلسل Poldark

واحد من المسلسلات المتميزة المأخوذ من رواية بنفس الاسم للكاتب Winston Graham. بتدور أحداثه في القرن ١٨ من خلال البطل الرئيسي كابتن poldark، المعروف بمناصرته لمبادئ المساواه والتصدي للعنصرية والطبقية المفرطة اللي كانت فجة جدا في الوقت ده.

بتبتدي القصة بعودة كابتن poldark لبلدته بعد غياب 3 سنوات بعد مشاركته في الحرب، ليصدم الجميع ظنا منهم انه مات في الحرب، فيتصدم هو بموت والده، فيجري على عمه عشان ياخد الصدمة التانية وهي خطوبة حبيبته على ابنه عمه، يخش على الصدمة الثالثة بأن والده ماسابش لية في الورث غير بيت قديم متهالك ومنجم مهجور.

في محاوله منه لنسيان حبيبته بيحاول يقف على رجله من تاني بمساعدة أهل البلده اللي بيحبوه عشان تواضعه ومساندته ليهم، لكن بتقابله صعوبات منها أن عمه شخصيا بيحاول يبعده عن البلده، وفقدانه لسمعته بين الطبقة العليا لجوازه من الخادمة بتاعته، اللي بتقف جنبه وبيشتغل المنجم من جديد .

مسلسل Poldark

*النوع: دراما/ اجتماعي/ رومانسي
*خمس مواسم، (2015- 2019) كل موسم حوالي 8 حلقات
* المسلسل غير مناسب للمشاهده العائلية ١٨+( المشاهد مش فجه وإنما غير مناسبة)
* التقييم على Imdb ٨.٣