مسلسل ” مات نام – سبوبة مصرية”
قلك تامر حسني عامل “تاج” أول ” سوبر هيرو” مصري
.. فالناس قالت لأ إزاي امال فين “الرجل العناب”
، ده كان راجل عنب
من الآخر وكلامه كله فاخر.
جه اللي قالك، كان في سوبر ميرو
.. بس طلعت بنت عادية بنظاره
وقميص وساعه
وبلوفر
لكن الحقيقة إن أول ظهور لسوبر هيرو مصري كان مسلسل ” مات نام”، مسلسل كارتون كوميدي ساخر بطولة ” أحمد فاروق الفيشاوي”،فيه تقريباً كل الإيفيهات اللي ممكن تتخيلها.
بيحكي عن ” مات نام” السوبر هيرو الأمريكاني بتاع زمان، اللي مش لاقي شغل في أمريكا
.. ومحدش بقى يديلوا اهتمام. فقرر يعيد الأمجاد ويهاجر البلاد ..عشان يلاقي السبوبه والأمان
وتشاء الأقدار .. انه يختار بلد الحضاره والإبهار “مصر” 
.. فبينزل بطيارته المعروفه .. وهناك بيتم استقباله أحسن استقبال..
بداية من دخوله القسم 
لغاية الجمارك .. ومنطقة كعابيش.. عشان يقع في حب الجمال المصري ” جت سليمه”، ويتحول “مات نام” لـ “عتمان عوض هريدي” 
ويساهم في إنقاذ البلاد من مخطط الأوغاد.
بتحصل كمية مواقف، حتخليك مش حتبطل ضحك، بداية من تتر المقدمة لغاية النهاية.. اللي كلمتها حلوه اوى اوى.
المسلسل 30 حلقة عرض في رمضان2011، وكل حلقة حوالي 8 دقايق.
وابقى سلميلي على “بسكاويسي”
وياني ياني .. على اللي يجيلكوا تاني
مسلسل ” مات نام – سبوبة مصرية”
سنة الإصدار: رمضان 2011
عدد الحلقات:30
بطولة: أحمد فاروق الفيشاوي – محمد لطفي- دنيا مسعود -سيد الرومي – أحمد خيري
ﺗﺄﻟﻴﻒ قصة وسيناريو واخراج: عزت أمين
كلمات و غناء تتر المقدمة والنهاية: الرابر MC Amin
