مسلسل السر Secret

مسلسل السر واحد من المسلسلات الكورية القديمة (إنتاج ٢٠١٣)، متنوع ما بين اجتماعي على اثاره وجريمه،
ومن أوائل أعمال الممثل المعروف “جي سونج”، والمعروف بأعماله مسلسل “القاضي الشيطان” و مسلسل “اقتلني اشفيني” بعد كده.

قصة مسلسل السر Secret

بتدور قصته عن فتاه فقيره بتقوم عمل كل التضحيات عشان تساعد الإنسان اللي بتحبه عشان يوصل ويبقى مدعي عام، وفي يوم احتفالهم بخطوبتهم اخيراً، بتحصل حادثة (بتكون هي محور الأحداث) ينتج عنها مقتل فتاة اللي بيصادف أنها تكون حبيبة رجل أعمال ثري.

يا ترى مين اللي عمل الحادث؟ وايه هو رد فعل رجل الأعمال اتجاه مرتكب الجريمة؟.. علاقات متشابكه ما بين حب وانتقام في نفس الوقت. ده اللي حنعرفه خلال ١٦ حلقة عشان نكشف عن ( السر )

المسلسل قديم بعض الشئ، فحتلاقي البطلة مأفوره شويه في أدائها (هما بطلوا الجو ده من التمثيل في المسلسلات الحديثة)، لكن الحقيقه إن أداء كل الممثلين مميز جداً، وكان السبب الرئيسي في ان المسلسل فاز ب٦ جوائز ورشح لـ٨ .

ومننساش طبعاً المونتاج الاحترافي والموسيقى التصويرية، اللي بتتميز بيها الدراما الكورية.