مسلسل البطيخ المتلئلئ Twinkling Watermelon

واحد من المسلسلات الكورية المميزة جداً ولقت إعجاب وتأييد شديد من محبي الـ K-Drama، واللي بيتناول السفر عبر الزمن، تدور قصة المسلسل بيحكي عن ولد “كودا CODA”؛ ودي كلمه بتعبر عن الطفل اللي اتولد بيسمع في عائلة فيها أحد أو كلا الوالدين فاقدي لحاسة السمع)،

بعد صدامه مع والده لرفضه انضمامه لفرقة موسيقية، بيصادف محل الأدوات الموسيقية “ڤيفا لافيدا “فبيخش يبيع الجيتار بتاعه، لكن البائع بيقله إنه بمجرد خروجه من المحل حياته حتتغير، وبالفعل أول ما يخرج من باب المحل بيرجع بالزمن لعام 1995. عشان يقابل والده ويكتشف أنه هو نفسه بيكون فرقة البطيخ المتلألا- twinkling watermelon فينضم للفرقه، وتدور الأحداث.

المسلسل عليه ضجة كبيره من محبي الـ K-Drama، وصنفه الكثيرين إنها الدراما الأفضل لعام 2023، وحتلاقي كمية ترشيحات وإعجاب ياخدك لتوقع أكبر من كده،
بس حقيقي هو مسلسل مفيهوش ابهار لكنه ملئ بالمرح والمشاعر الرومانسية الرقيقة ودفء الترابط الأسري، حيخليك مستمتع بيه، ومتعايش وقريب من كل الشخصيات وخصوصاً البطل وأبوه في الزمن القديم.
المميز كمان في المسلسل إنه بيدعم تعلم وانتشار لغة الإشاره بطريقة غير مباشرة.

ڤيفا لافيدا ووتر ميلون شوجر