فيلم Glass Onion: A Knives Out Mystery 2022

الجزء الاول ولا الثاني احلى ؟

الفيلم يعتبر الجزء الثاني من فيلم knives out، لكن الحقيقة هو مفيش أي أتصال بينهم، غير في شخصية المحقق “بينوا بلان”.. فعادي ممكن تشوف الجزء ده من غير الجزء الأول.

فيلم Glass Onion: A Knives Out Mystery 2022 بطولة مجموعة كبيرة من المشاهير؛ في دور المحقق “بينوا بلانك” الممثل “دانيل كريج” (قام بدور “جيمس بوند” في العديد من الاجزاء)؛ وفي دور الملياردير الممثل “ادوارد نورتن”. وتنوعت مجموعة الاصدقاء ما بين العديد من المشاهير ذي ، “كيت هادسون” و “جانيل مونيه”.

الافت للنظر هو الاداء الكوميدي للممثل الانجليزي “دانيل كريج”، واللي كان مميز جدا ومختلف، واول مرة يظهر الجانب الكوميدي في شخصيته. البعض شاف انه الادء مختلف ومش مناسب لدور المحقق؛ لكن انا شخصياً عجبني جدا، وشايفه انه هو اللي شايل الفيلم حرفياً بأداءه.

الممثل “ادوارد نورتن” راجع بعد فتره. اداءه هادي في وجهة نظري، لان دايماً بيتميز في دور السيكوباتي، رغم اني من معجبينه لكن الفيلم ده كان اداءه باهت شوية.

قصة فيلم Glass Onion: A Knives Out Mystery

الفيلم باختصار وبدون حرق، بتبتدي فيه الأحداث بدعوة احد الأغنياء ” مايلز براون ” لمجموعة من أصدقائه لقضاء اجازة في جزيرته الخاصه.. وطبعا هناك حتحصل جريمة القتل.
بيتم دعوة المحقق الشهير “بينوا بلانك” بالصدفه، والي طبعاً حيحل لغز الجريمة وسبب ارتكبها.

الفيلم في النهاية ممتع، والتويست الاول في كشف الجريمة كان حلو، في بعض الحاجات غير المنطقيه او اسبابها ضعيفه، لكن في الواقع معظم افلام الجريمه بتبقى كده.

يتميز الفيلم بمتعة بصرية سواء في الجزيرة أو ديكورات المنزل؛ ده غير المونتاج، واللي يعتبر هو سبب رئيسي في نجاح الفيلم، فالانتقال بفلاش باك ناعم وسلس، وضح التويست وخلاك مستمتع في التويست الاول وهو بيكشف سر القضية.