أغنية “she’s like the wind”
زي ما عودناكم في فقرة “أغاني و أفلام” حنجيب في كل مرة أغنية أو موسيقى تصويرية كانت مرتبطة أو السبب في نجاح فيلم أو مسلسل.
وحنتكلم النهارده عن أغنية “she’s like the wind” للممثل ” باتريك سويزي”
في المقالة السابقة عن مسلسل الشمال والجنوب North & south 
، كنا ذكرنا ان بطل المسلسل “باتريك سويزي” بيغني، ودي معلومة مش معروفه اوى عنه، هو عامة ما انتجش غير ستة اغاني أولهم أغنية “she’s like the wind” اللي حنتكلم عنها النهارده… واللي بعتبرها من أنجح أغاني الثمانينات من وجهة نظري المتواضعة طبعاً 
أغنية “she’s like the wind” هي أحد اغاني الفيلم الرومانسي الراقص 
” Dirty Dancing” بطولة باتريك سويزي و جينيفر جري واللي اتعمل إكمال لقصته فيلم آخر عام 2004
الأغنية وصلت إلى المركز الثالث
في أفضل 100 أغنية على قائمة Billboard Hot 100 الامريكية. …والمركز الأول على قائمة Adult Contemporary ، وحققت نجاح كبير في جميع أنحاء العالم.
نقلا عن لقاء مع “باتريك سويزي” الأغنية بتتكلم عن حب رجل لفتاة من المستحيل الارتباط بيها ومشاعر الحزن والاسى اللي بيشعر بيها. وبيهدي الأغنية لمراته وحب حياته لمدة 34 سنة… واللي كان سبب تعرفهم هو أنها كانت بتاخد دروس رقص مع والدته وهمه 18 و 14 سنة .
الأغنية اتعمل ليها ريمكس عام 2007 لكن كان دون المستوى في رأيي.
ملحوظة: الفيلم يعتبر للكبار فقط
+18، لكن الأغنية في منها نسخ على اليويتيوب من غير مشاهد الفيلم.
معلومه على الماشي لمحبي الأغاني… الفيلم فيه عدة أغاني، منها أغنية: “(I’ve Had) The Time of My Life” وهي الأغنية اللي فازت بـأفضل أغنية 
Academy Award for Best Original Song و Golden Globe Award for Best Original Song, و الجراميز the Grammy Award for Best Pop Performance by a Duo.
لكن بالنسبالي أغنية “she’s like the wind” هي من أفضل اغاني الثمنينات وليها وقع مميز ومختلف .
اغنية : “she’s like the wind”
غناء: الممثل وكاتب الأغاني والملحن الامريكي : Patrick Swayze
إنتاج سنة : 1987
التصنيف : soft rock – Adult contemporary
IMDb rate : 7.2/10
