فيلم Lucky Number Slevin

الفيلم ده واحد من الأفلام المستخبية underrated معرفش ليه، لأنه بجد فيلم جميل وممتع مع plot twist في آخر الفيلم حاجه منتهى الروعة.

أشجعك كمان عشان تشوفوه، الفيلم بطولة الممثل المحبوب Bruce Willis، ومعاه Morgan Freeman و Ben Kingsley

الفيلم بتبتدي قصته لما “بروس ويلز” بيقابل حد في المطار ويبتدي يحكيلوه فلاش باك عن قصه عظه بطلها الشاب slevin اللي بيقوم بدوره Josh Hartnett؛ وتبتدي أحداث الفيلم أن Slevin بيزور واحد صاحبه ويستناه في بيته، لكن مش بيلاقيه فبيقعد لغاية ما يجي .. وياريته ما قعد

بدون حرق (عشان ده مينفعش يتحرق) البطل بتهجم عليه عصابتين، وللأسف بيفتكروه أن هو صديقه .. ورغم إنه بينكر ده، لكن محدش بيصدقه، وبيتطلبوا منه يدفع الدين اللي عليه (بتاع صاحبه المفروض)، وتستمر الأحداث .. عشان نفاجأ بنهاية غير متوقعة في الأحداث والشخصيات.

الفيلم فاز بـ 5 جوائز منها MIFF Awards، وبرشحه بقوى لهواة التويستات واللأثارة.

فيلم Lucky Number Slevin
بطولة: Josh Hartnett – Bruce Willis – Morgan FreemanBen Kingsley
نوع الفيلم: اثاره- دراما – جريمة
تقيم IMDb 7.7 و 87% على rottentomatoes
إصدار: فبراير 2006

غير مناسب للمشاهده العائلية