فيلم شاهد الادعاء witness for the prosecution

لمحبي السسبينس والتويستات؛ ومحبي روايات وأفلام “اجاثا كريستي Agatha Christie” وأفلام الأبيض والأسود، برشح فيلم شاهد الادعاء witness for the prosecution انتاج عام ١٩٥٧ عن رواية “لاجاثا كريستي”.

الفيلم مميز جداً جداً وخاصة انه إنتاج قديم، ليه روح وطابع خاص..
وكمان محبوك والتويست آخر الفيلم حلو اوي اوي. وكمان في تتش كوميدي خفيف من خلال المحامي والممرضة بتاعته.
الفيلم رشح لـ ٦ جوائز أوسكار والجولدن جلوب، فئة أفضل ممثل وممثلة وأخراج وأفضل فيلم.
وتم إنتاج عدة نسخ من الفيلم عام، 1982و 2016، لكن النسخة المفضلة ليه بالتأكيد هي إنتاج ١٩٥٧ .

قصة فيلم شاهد الادعاء witness for the prosecution:

تدور قصة الفيلم عن جريمة قتل لسيدة عجوز، اتهم فيها شاب ظهر في حياتها مؤخراً.. وكتبت وصيتها ليه.
بيلجأ بنفسه للمحامي المخضرم .. واللي هو نفسه بيكون مش متأكد من برأته..
فالشكوك كلها حوليه.. لكنه بينكر ده تماما.

دليل براته الوحيد هو شهادة زوجته والغير معترف بها امام المحكمه،
وبظهور عدة أدلة مفاجاة حيتم تبراة الشاب في نهاية الفيلم.. ولكن ؟؟!!

الزوجة ونتيجة لشهادتها بانها خاينه حيتم حبسها هي؛ وبعد ما كان المحامي مش متعاطف مع الزوجه
.. حيقف معاها ويدافع عنها.

في مشهد واحد غير مناسب للمشاهده العائلية ممكن تخطيه، غير مؤثر في الأحداث.