فيلم The Great Wall

طبعا حتفتكروا انه فيلم وثائقي عن سور الصين العظيم.
لكن في الحقيقه لا

هو فيلم بطولة مات ديمون.. ومجموعة من الابطال متنوعين ما بين أمريكان وصينين.

تدور قصة الفيلم عن اثنين من المحاربين المرتزقة سمعوا عن سلاح جديد (البارود).. موجود في مدينة بعيده في شرق آسيا.. فقرروا يروحوا يجيبوه ويبعوه.. في الوقت اللي حيكتشفوا Hن المدينة محاطه بسور ضخم .. اتعمل عشان يحميهم من قوة Hو كائنات مش عارفين يتعاملوا معاها بالرغم من تفوقهم في الأدوات الحربية في الزمن ده.

الفيلم فكرته حلوه .. تصميم الملابس والاسلحه ممتاز ومنطقي إلى حد كبير . وتصميم المعارك والجرافيك سلسل وطبيعي ومش اوفر ..حصل على ٣ جوائز (مات ديمون / المخرج Yimou Zhang)

فكرة الفيلم مختلفة وتنفيذه ممتاز.. مفيش افوره في الجرافيك .. وبالتالي كان مميز جدا.

الفيلم تم نقده بشده من قبل الامريكان والصينين، وللأسف مقدرش يغطي تكلفته.. وده لعدة اسباب ذي ما بيقول النقاد.. منها أنه مش واضح هو موجه للجمهور الصيني ولا الأمريكي.. الصينين مش حابين فكرة أن الأمريكي هو اللي حاينقذهم في الاَخر.. ومفيش بطل صيني معروف بيشارك في الفيلم.

فيلم The Great Wall
تصنيف الفيلم: فانتازيا – تاريخي – اكشن – مغامره
سنة العرض: ٢٠١٦
بطولة: Matt Damon – Tian Jing – Willem Dafoe
إنتاج أمريكي وصيني مشترك
إخراج تشانغ يى مو
حصل على ٣ جوائز (مات ديمون Matt Damon / المخرج Yimou Zhang)
الفيلم مناسب للمشاهده العائلية.إنتاج أمريكي وصيني مشترك