“سلمتها ام حسن” هي في الأصل اغنية وطنية

مرة “أبو عتمان” كاتب اغاني الفنان الشعبي ” أحمد عدوية”، رد في لقاء شهير، بعد أُتهامه بإنه بيفسد الذوق العام

قالهم: أنا بكتب بطريقة ولاد البلد .. حتى لما كتبت أغنية وطنية كتبتها بطريقتي..فسأله المذيع أغنية ايه ؟ قاله سلامتها أم حسن ..فاستعجب المذيع! وسئل

هي دى أغنية وطنية ؟!

قاله أيوة .. فؤاد المهندس مش غنا مصر هي امى، ومصر كمان أمى وانا إسمي حسن فقلت لمصر ( سلامتها أم حسن م العين وم الحسد ..وسلامتك ياحسن ) علشان هي أمى وبحبها …

نقلاً عن البرنامج الاذاعي في شهر رمضان “طابخينها سوا ” للمذيع المتميز “تامر جابر” على شعبي اف ام ..

سلامتها أم حسن

غناء: أحمد عدوية
كلمات: حسن ابو عتمان
الحان: فاروق سلامة
انتاج: عام 1973