مسلسل وينزداي Wednesday
بما ان النهارده الأربع يبقى نتكلم عن مسلسل وينزداي Wednesday
“وينزداي” هو اسم بطلة المسلسل والشخصية المقتبسة من افلام عائلة مسلسل عائلة آدامز Adams Family، واللي كلنا عارفين طبعاً انها عائلة مش عادية، لكن في نفس الوقت هي عائلة مسالمه وعايزة تندمج في المجتع.
لكن وينزداي Wednesday بنتهم حبه تكون مختلفه ومش فارق معاها تكون مقبولة في المجتمع، ونتيجه لتمردها في المدرسة وتسببها في مقتل احد زملائها، بتتفصل من المدرسه، وبتضطر تسمع كلام اهلها وتنتقل لمدرسة مامتها سابقاً “Nevermore Academy” المخصصه للمنبوذين outcasts، واللي طبعاً وينزداي ناوية متكملش فيها.
لكن بتحصل احداث وجرايم غريبة وبتتعرض هي شخصياً لمحاولة قتل، اللي بيخلي وينزداي آدامز تستمر في المدرسة عشان تعرف مين اللي حاول يقتلها ومين الوحش اللي تسبب في موت الكثير من اهل البلده، وكمان عشان تبرأ والدها من تهمة القتل.
وده من خلال قدرتها الخارقة في رؤية الأحداث visions الي ورثتها من امها.
المسلسل 4 حلقات منه إخراج المخرج صاحب الأعمال الاكثر غرابه Tim burton وهو كمان المنتج التنفيذي.
مسلسل”وينزداي” حقق رقم قياسي جديد بإجمالي 341.2 مليون ساعة مشاهدة خلال اسبوع ، وشاهدته أكثر من 50 مليون أسرة في العالم خلال الأسبوع الأول من عرضه، ليتفوق على مسلسل “سترينغر ثينغز” (Stranger Things) حامل الرقم القياسي سابقاً بـ335 مليون ساعة.
مسلسل وينزداي Wednesday
بطولة: Jenna Ortega في دور ” وينزداي” – وظهور غير مميز لـ Catherine Zeta-Jones في دور الأم
تصنيف المسلسل : فانتازيا – كوميدي – خيالي
مناسب للمشاهده العائلية (ماعدا مشهدين في الحلقة الاخيره يمكن تخطيهم، بالنسبة لأفكار نيتفلكس لم تكن واضحه)
انتاج : نتفليكس – نوفمبر 2022
التصوير :في رومانيا
عدد الحلقات 8
