فيلم الشبح والسيدة ميور The Ghost and Mrs. Muir

يا ترى ممكن واحده تحب شبح

ده اللي حنعرفه في فيلم “الشبح والسيدة ميور The Ghost and Mrs. Muir ” بتدور قصة الفيلم عن”لوسي” الأرملة، اللي بعد وفاة جوزها .. بتاخد بنتها وتروح مدينة جديدة عشان تغير حياتها، بتشتري بيت جميل على البحر، لكن بيصادف أن البيت ده مسكون ، وبالرغم من كده، بتصر إنها تعيش فيه، فبيظهر لها بالفعل شبح كابتن “دانيل” اللي بيحاول يخوفها عشان تسيب البيت؛ لكن المفاجأة إنها عنيدة ومابتخافش. عشان في الآخر يعقد معاها الشبح إتفاق، وهو إنهم يعيشوا مع بعض في نفس البيت بكل سلام.

بيوافقوا الإثنين، ومع الوقت بتنشأ ما بينهم صداقة قوية بتتطور بإعجاب وتنتهي بالحب.

لمحبي الكلاسيكات الأبيض و الأسود، ده واحد من الأفلام اللي تعتبر قصته جديدة وغريبة في وقته، دع غير انه مستوحى من رواية بنفس الأسم عام 1945، وتم إعادة إنتاجه في شكل مسلسل على موسمين في الفتره ما بين 1968-1970.

فيلم الشبح والسيدة ميور The Ghost and Mrs. Muir
النوع: فانتازيا – رومانسي
بطولة: Gene Tierney – Rex Harrison
انتاج: 1947 أبيض واسود