تحتفل المغنية ” Cher” بعيد ميلادها الـ 78 هذا الشهر
تحتفل المغنية ” Cher” هذا العام بعيد ميلادها الـ 78 في العشرين من شهر مايو، واحده من أيقونات عالم الغناء البوب والروك، “شير Cher” هي مغنية أمريكية.. لقبت من قبل الأعلام بـ “إلهة البوب” “Goddess of Pop”، واعتبرت ايقونه كونها تألقت أيضاً في مجال التمثيل والعمل الأستعراضي، فحازت على الأوسكار وأفضل ممثلة من مهرجان “كان”
“شير” ليها كاريزما قوية، مش بس بسبب قوة حنجرتها وشكلها المميز جدا .. فهي بملامح عربية أكثر منها أوروبية.. حتى في طريقة الكلام والتعبير .. بجانب ملامحها اللي فيها الفه كبيره تحس منها إنها شخص دمه خفيف ومنطلق.
من أسباب شهرتها، ان كثير من اغانيها وصل للمركز الأول في US Billboard Hot 100 ، لتكون اول مغنية تحصد الكثير من اغانيها المركز الاول في فترة السبعينات. من اشهر اغنيها والي تعتبر علامات حتى الأن
- أغنية “Bang Bang (My Baby Shot Me Down)”
- أغنية “If I Could Turn Back Time”
- أغنية ” Believe”
اتشهرت كمان عشان استايلها المميز جدآ جدآ.. ولبسها والأوتفيت الغريبه من نوعها، واللي في رأيي برغم غربتها إلا انها تصميمات جميلة مش بس غريبة، لكن للأسف هي غير مناسبة لعادتنا وتقاليدنا، فمش حقدر أحط صور ليها، منهم أثنين لبس فرعوني كانوا مميزين جداً.
فلو جبنا سيرة “الليدي جاجا” وجموحها الغريب في الأزياء.. فاقدر اقولك إن شير هي اللي ابتدعت هذا الاستايل العجيب.
ويمكن ده مديها الشهره الزياده .. فهي على بعضها حالة مختلفة وفريده من نوعها..
ده غير طبعاً تميزها في مجال التمثيل فهي فازت بالأوسكار كأفضل ممثلة عن فيلم Moonstruck، وأفضل ممثلة عن فيلم mask في مهرجان “كان”، ده غير البرنامج التلفزيوني The Sonny & Cher Comedy Hour ،مع زوجها السابق”Sonny Bono”
الجدير بالذكر ان معظم الأفلام اللي مثلت فيها “شير” مغنتش فيها خالص.
