مسلسل حكاية نوكدو The Tale of Nokdu

مسلسل “حكاية نوكدو”، هو مسلسل كوري تاريخي(حقبة Joseon)؛ كوميدي رومانسي لطيف، مع شوية ساسبينس.

قصة مسلسل حكاية نوكدو

“نوك دو” يعيش في جزيره مهجوره مع أسرته، وكل فتره يهجم عليهم ناس يحاولوا يغتالوهم، فيضطر هو وأهله يهربوا ويروحوا مكان تاني؛ لغاية ما كبر “نوكدو ” ووالده لسه مش عايز يقول إيه السبب، فيقرر يعرف الحقيقه بنفسه.

تسوقه الأقدار، وهو بيتتبع واحد من اللي حاولوا يغتالوه؛ تاخده رجليه لقرية الأرامل اللي مفيش حد بيدخل فيها غير السيدات. فيضطر يتنكر في شكل واحده ست؛ وطبعا لك أن تتخيل كمية المواقف المضحكة.

في رحلته لمعرفة هو مين وأصله إيه، حيكتشف شوية مفاجات، وحيقابل حبيبته وملك البلاد؛ فيا ترى حيعرف هو مين؟ وحتتحقق نبوءة الملك ؟ ده اللي حتعرفه لما تشوف المسلسل.

المسلسل لايت كوميدي، وخصوصاً السبع حلقات الأولى، يبتدي بعد كده يركز على صراع “نوكدو” مع الملك والحاشية، وينتهي نهاية سعيده ومنطقية، مع حتة plot twist خفيفه كده في الآخر .

مسلسل حكاية نوكدو The Tale of Nokdu

نوع المسلسل: كوميدي – رومانسي – تاريخي
ابطال مسلسل حكاية نوكدو: Jang Dong Yoon و Kim So Hyun و Kang Tae Oh
عدد الحلقات :16
المسلسل إنتاج 2019
مناسب للمشاهده العائلية