فيلم Jason and the Argonauts

يا ترى النبوءة حتتحقق

بتدور قصة الفيلم عن “بيلاياس” رجل البلاط الطماع اللي عشان ياخد الحكم .. كان لازم يقتل الملك” ارسطو” ..
وبالفعل بتنجح في قتل ارسطو والاستيلاء علي حكم البلاد.

لكن الوزير بتاعه قاله ان في نبوءه بتقول أن واحد من أولاد الملك حيحكم بعده.. فقرر “بيلاياس” قتل اولاد ارسطو الثلاثة (بنتين وولد).. فالعراف قاله، لكن ده قرار الإله “زيوس”.. لكنه أهمل كلام الآله .. وقاله مش مهم حاقتلهم بردو

وأثناء غزوه لمدينة “ثيساليا”.. هربت البنت الكبيره بالأخت الصغيره لمعبد الآله “هيرا”.. ودعتلها عشان تحمي أخواتها.. خمس مرات… في نفس الوقت دخل عليها .. “بيلاياس” وقتلها.

وهنا ظهرت مساعدة المعبد .. وأكدتله النبوءه..، وقالتله ان الإبن “جايسون” هرب .. ولما يكبر حيرجع عشان يقتلك واسترجع عرشة .. والعلامه بتاعته أنه حيكون لابس صندل واحد.

ويكبر بالفعل”جايسون” وعشان يستعيد حكم أبوه .. حيكون من خلال رحلة خيالية .. حيقابل فيها وحوش وأهوال.. عشان يجيب فروة الكبش الذهبي.. ويقابل العملاق “تايلس” والأعمى “فينيوس”

لكن بمساعدة الآله “هيرا” بالاتفاق مع “زيوس” حتساعده خمس مرات عشان يقدر يستعيد حكمه وينتقم لموت والده.

في الفتره دي اتعملت أفلام بتتناول الآلهه اليونانية .. وكان في كلام كثير عن منع عرضها لما فيه من تخاريف وأفكار ملحده .

فيلم جايسون والمغامرون Jason and the Argonauts هو واحد من كلاسيكيات السينما الأمريكية انتاج 1963 واتعمل نسخة سنة 2000، ومن الأفلام الأساسية الي كانت بيعرضها التلفزيون الارضي على القناة الثانية في وقت الأعياد ..

فيلم Jason and the Argonauts
النوع: فانتازيا – تاريخي – عائلي
بطولة: Gary Raymond- Nancy Kovak -Todd Armstrong
انتاج: ????