فيلم A good year

فيلم لايت كوميدي، خفيف ومريح للاعصاب، فيه تفائل على شوية رومانسية، حياخدك لعالم هادي وحالم.

الفيلم بتدور احداثه عن بورصجي، حلنجي وبتاع الثلث ورقات، ناجح جدا في شغله، مش مركز غير على نجاحه في العمل حتى لو كان باستخدام اساليب غير اخلاقيه، وعلاقات نسائية بدون اي التزام، فجاءه يجيله جواب ان جده توفى، بيزعل عليه فعلا خاصة انه مشفوش بقاله كثير … وبيستعيد الذكريات بفلاش باك وقت ما كان طفل وعايش مع جده، لكن ايه ده، ده اكيد سايب ثروه كبيره ..

وبالفعل جده كان سيبله بيت كبير واراضي في فرنسا، .. يبقى لازم يروح في السريع يبيع البيت والارض ويرجع بسرعة جداً، قبل ما حد يستغل الفرصة وياخد مكانه في الشغل

طبعا لما بيروح فرنسا.. بتتغير خطته بالكامل ..

يا ترى ليه وعشان مين .. ويا ترى حياخد ورثه في الاخر ولا حيظهر شريك في الورث.

وهل من الممكن ان رحلة واحده تغيير منظور حياة إنسان بشكل كامل !؟

الفيلم بيتميز بالتصوير ومشاهد الطبيعة، والفلاش باك الناعم لراسل كرو وهو طفل صغير وعلاقته مع جده، مع الموسيقى الرقيقة، حتاخدك لحاله من الهدوء والروقان.

فيلم A good year
تصنيف الفيلم : دراما – رومانسي – كوميدي
بطولة : Freddie Highmore- Russell Crowe – Marion Cotillard- Albert Finney
تاريخ الاصدار: : 200
التقيم 6.9 على IMD
تقييم حدوته ع النوته 7