فيلم وجهة نظر Vantage Point
8 غرباء. 8 وجهات نظر. وحقيقة واحده
واحد من أفلام الاثارة والأكشن المميزة، حيث تدور أحداث الفيلم عن خطة لمقتل الرئيس الأمريكي؛ أثناء وجوده في اسبانيا في حشد كبير من الرؤساء لتوقيع بروتوكول هام، هنا حتقللي الفكره دي اتهرست كثير قبل كده، أقلك الجديد هو المونتاج؛ أيون. واللي يعتبر البطل الحقيقي لهذا الفيلم.
المخرج من أول لحظة بيوريك خطة عملية الاغتيال وتنفيذها من خلال رؤية ودور (vantage point وجهة نظر) لـ 8 شخصيات في الفيلم؛ وهم: منهم البودي جارد السابق للرئيس Dennis Quaid واللي عنده إصابه سابقة مأثره عليه، أحد الحاضرين من السواح بكاميرا فيديو Forest Whitaker، وشرطي أسباني، وواحد من أفراد الهجوم، والرئيس الأمريكي نفسه William Hurt).
الفيلم بيتنقل ما بين رؤية كل واحد فيهم للحدث، و كل شخصية بيرجع بيها المخرج بفلاش باك قصير ولا أروع بـ(بمقدار ساعة واحده قبل الحادث) يوريك ما خلف الحدث، حتخليك تشك في كذا شخصية، عشان في الآخر يربط الأحداث ليك، ويظهر الأطراف الحقيقة في عمليه الاغتيال. والمخرج قدر يحافظ على ترابط الفيلم وحبكته بشكل رائع وسلس.
الا ان الحقيقة بالرغم من تكامل الفيلم والحبكه المظبوطه، وقدرة المخرج على التنقل بالمونتاج ببراعه، إلا أن في حتة مفقوده كان ممكن تخليه من أقوى أفلام الأكشن، واللي أعتقد في رأيي هو سوء اختيار دانيس كوايد كبطل للفيلم، وعدم الاهتمام بالسيناريو فكان ممكن إضافة مشاهد قصيره فيها مواجهه بين الأبطال، بحيث تثري الفيلم وتاخده لحتة تانية خالص.
الفيلم فاز بجوائز مختلفة الحقيقه، وهي أفضل تريلر، ورشح لجائزة أفضل مشاهد اكشن بالعربيات Best Work With a Veh.
تقيم الفيلم على Imdb 6.6 وتقيم حدوتة ع النوتة ليه 7.2 ، يمكن هو مش فيلم blockbuster ومحققش ايرادات كثير في السينمات، لكن حتستمع بمشاهدته في المنزل بالتأكيد.
فيلم وجهة نظر Vantage Point
بطولة: Dennis Quaid – Forest Whitaker- Sigourney Weaver
اصدار: فبراير 2008
النوع: اكشن / اثارة
إنتاج: Columbia Pictures
مناسب للمشاهده العائلية
