فيلم لص بغداد The Thief Of Bagdad
واحد من أفلام العيد الأساسية على القنوات الأرضية في التسعينات، ويعتبر واحد من كلاسيكيات السينما الأمريكية، إنتاج 1940، ومن الأفلام ذات التقييم 100% على موقع Rotten Tomatoes
قصة الفيلم مستوحى من قصة “علاء الدين والمصباح السحري”، واحدة من قصص ألف ليلة وليلة في القرن 18 من قبل المستشرق الفرنسي أنطوان جالان.
بتدور قصة الفيلم عن “الملك أحمد” .. ابن “هارون الرشيد” .. اللي بيتعرض لخيانة من الوزير الساحر الشرير “جعفر” .. ويسجنه..
لكن ..سخرية القدر .. بيقابل في السجن .. صديق رحلته الغريبة والمدهشة. ( ابو ) الفتى الحرامي ذو خفة اليد .. المحب للسجق.
وتأخدهم الأقدار للبصرة.. عند السلطان صاحب الألف لعبة .
اللي بيعشق وبيجمع كل الألعاب والاختراعات الغريبه في العالم.. اللي وصلت لـ1000 لعبة.
وفجاة “أحمد” بيلاقي أهالي البلد بيجروا وبيستخبوا من موكب الأميرة، عشان مش مسموح لعين أي حد يقع عليها أو يشوفها .. قبل ما تتجوز.
لكن طبعا الملك “أحمد” و”ابو” .. حيشوفوها.. ويقع “أحمد” في حبها في الحال. واللي طبعا “جعفر” الساحر بيكون هوه كمان عايز يتجوزها..
ولما بيشوف “أحمد” في القصر.. بيسحب نظره منه ..ويجعله كفيف ..ويحول “ابو” لكلب مطيع
وتستمر أحداث الفيلم الشيقة .. بمساعدة الجني والسجادة الطائرة .. عشان ينتصر الخير على الشر .. في واحد من روائع السينما العالمية ..
حاجة كده ما بين ألف ليلة وليلة والخرافات الإغريقية ..
وبالرغم أنه إنتاج قديم .. إلا أني أتمنى رجوع النوعية دي من الأفلام بنفس أسلوب الإخراج الكلاسيكي بتاعها.
الفيلم فاز ورشح لعدة جوائز أوسكار: Best Cinematography/ Best Visual Effects/ Best Production Design
فيلم لص بغداد The Thief Of Bagdad
نوع الفيلم: إثاره- فانتازيا- مغامرة
بطولة: Conrad Veidt- Sabu – June Duprez
إنتاج: ١٩٤٠
تقيم: IMDb 7.4
مناسب للمشاهده العائلية
