فيلم عيد العمال Labor Day
بما إن النهارده عيد العمال المصري 1/5/2024 .. كل عام وكل عمال وعاملين مصر بخير وصحة، فالشئ بالشئ يذكر، فكان من الطبيعي الكتابة عن فيلم يحمل نفس الأسم ..، ولكن
فيلم عيد العمال Labor Day، بطولة كيت وينسلت و جوش برولين، هو واحد من الأفلام الرومانسية المخفيه والاندريريتيد underrated، وواحد من الأفلام المحببه ليه. ومأخوذ من رواية صدرت عام 2009 تحمل نفس الإسم، للكاتبة “جويس ماينارد”.
قصته باختصار بدون حرق، عن “أديل” امرأة انفصل زوجها عنها، وسابها هي وابنها في مدينة ريفية بعض الشئ، اللي أثر فيها وفي حالتها النفسية، فبقى صعب عليها تتعامل مع الأشياء ومع الناس ومضطربة طول الوقت؛ وابنها ” هنري” بقى متحمل مسؤلية البيت بالكامل.
في أحد الأيام يوم عيد العمال Labor Day، بيصادف “هنري” رجل بينزف “فرانك” وبيطلب منه المساعدة تحت التهديد؛فبيضطر هو وأمه ياخدوه معاهم البيت، عشان يكتشفوا انه هارب من العداله… ولكن ؟!
الفيلم بيعبر عن المشاعر اللي ممكن تفاجائك اتجاه شخص كان لايمكن تفكر ولو للحظة إنك تعجب بيه، وان المظهر الخارجي سواء في الشكل أو الأفعال؛ بيكون مش حقيقي في بعض الأوقات، وناس كثير تحت مظهرها وسلوكها المختلف، بتكتشف مع الوقت أن مشاعرها عميقة وحقيقية بطريقة تاسرك وتحسسك بالأمان.
تنويه: الفيلم لا علاقة له بالمره بعيد العمال، كل ما في الأمر أن الأحداث تمت مصادفة يوم عيد العمال.. ودي حاجه اخدها النقاد على الفيلم.
فيلم عيد العمال Labor Day
النوع: رومانسي – دراما
بطولة: كيت وينسلت – جوش برولين
انتاج: 201
غير مناسب للمشاهدة العائلية
