فيلم الأخوان سوبر ماريو Super Mario Bros

طبعا الكثير مننا يعرف لعبة الفيديو القديمة (اتاري) سوبر ماريو .

شخصية لابسه أفرول أحمر بشنب يقف عليه الصقر، بيحاول يوصل للأميره، وبيقف قدامه عقبات في كل ليفيل منها (القرد الكبير) .
اللعبة دي كانت شهيره جد، يمكن لأنها من أوائل ألعاب الفيديو، وكعادة السينما تحاول تستغل أي نجاح ونستولوجيا الناس مجمعه عليها، يبقى نعمل سوبر ماريو فيلم.. وقد كان

الفيلم بيحكي عن ماريو مع أخوه لويجي، الي بيشتغلوا في السباكه، لكن مش ماشيه معاهم خالص، بالصدفه في محاوله تسليك بلاعه، هوبا بيتنقل كل واحد فيهم لعالمين مختلفتين، ماريو بيروح للمدينه اللي فيها الأميره وبيطلب منها تساعده يلاقي أخوه.. أما أخوه لويجي حظه وحش وبيروح مدينة بيحكمها سلحف شرير عايز يحكم العالم وكمان يتجوز الأميره.

بتدور الأحداث، وطبعا ماريو حينقذ المدينة والاميرة ويلاقي أخوه.
فكرة الفيلم عن قوة الأخوه وان طول ما الاخوات مترابطين ومع بعض حيتحدو الصعاب ويوصلوا لبر الأمان.

فيلم سوبر ماريو Super Mario Bros
* نوع الفيلم : أنيمشن
* سنة الاصدار: أبريل 2023
*مناسب للمشاهده العائلية