فيلم جيكسي JEXI

فيلم خفيف .. من نوعية الأفلام اللي تفصل بيها .. يوم تقيل في الشغل .. أو لو حبيت تفصل شوية من الأفلام العميقة والأكشن.

بطل الفيلم مدمن على الذكاء الاصطناعي.. وحياته كلها افتراضية.. و”سيري” هي اللي ممشيه حياته كلها .. ومش بيحب الاختلاط بالناس.. ومكتفي بالموبايل بتاعه و “سيري” طول الوقت.

في يوم بتحصله حادثة تصادم مع بنت جميلة .. ويتكسر الموبايل.. فطبعاً كان لازم يجيب غيره

لأنه حتى مش بيعرف يروح بيته من غيره

وهنا بقى حياته حتتشقلب .. السيستم الجديد مبقاش “سيري” .. حصل ابديت update في النسخ الجديدة لنظام تشغيل الموبيلات، ونزل عليه جيكسي” JEXI “
“..

واللي بيتفاجأ بيها انها وقحه جدا في الكلام .. وبتمشي كلامها عليه ومش بتهتم بأوامره، وماشية بدماغها

وقررت “جيكسي Jexi” أنها تصلح ليه حياته.. برؤيتها طبعاً

وده اللي حيتسبب ليه في مشاكل كثير سواء في شغله، أو مع البنت اللي معجب بيها.

الفيلم لايت كوميدي خفيف تتفرج عليه وقت العصاري.. لكن كان ممكن يطلع منه كوميديا أكثر من كده بكثير..

فيلم جيكسي JEXI 
النوع: كوميدي – رومانسي
بطولة: أدام ديفين.. الكساندرا شيب
انتاج: ٢٠١٩