فيلم اورايون و الظلام Orion and the Dark

لو أبنك أو بنتك أو انت شخصياً بتخاف من الضلمه .. يبقى الحل في الفيلم الرائع ده.

واحد من افلام الانيميشن الممتعة بجد، وفكرته جميلة ومختلفة ومؤثرة جداً. مش مؤثره يعني عياط، مؤثره في نظرتك للأشياء، وجايز كمان تخلصك من عقدة الخوف من الظلام.

الفيلم بجد خلاني احب الضلمة، واستشعر قد ايه ربنا سبحانه وتعالى ادانا نعمة كبيره.. في ظاهره لينا مش بنفس قيمة النهار.. لكنه فعلاً كائن لطيف ومهم طبعاً.. ويتحب كمان.

بتدور قصة الفيلم باختصار عن الطفل “Orion” اللي بيخاف من كل حاجه، وحياته متدمره، وفجأة حيقابل “ظلام Dark ” اللي حيساعده يهزم مخاوفه في رحلة لا تُنسى خلال الليل مع صديقه الجديد.

الفيلم جميل اوي اوي .. صحيح كنت احب أشوف أسباب تانية لأهمية الظلام بشكل أوضح.. ومواقف كوميدية مع الشخصيات الخمسة مساعدين “Dark” لكنه في المجمل وصل الرسالة بشكل رائع…

ومع التنقل بين الأزمنه وتويست لطيف على الرايق.. بيدل على ان اللي عاملينوا .. عاملينه بمزاج

اورايون و الظلام ????? ??? ??? ????