فيلم انا الشرير Despicable Me 4
وما زال المينيونز Minions بيهبروني كل مره في الجزء الرابع Despicable Me 4 الي كان اد التوقعات، من أول أغنية المقدمة ودخول “جرو” في حفلة مدرسة الأشرار .. لغاية أغنية مشهد النهاية (everybody wants to roll the world).
بتدور الأحداث باختصار وبدون حرق
عن “جرو” وعائلته مع وجود عضو جديد (جرو جونيور) .. بعد ما اعتزل كونه أحد الاشرار .. وانضمامه لمنظمة مكافحة الأشرار.. ليصبح رب لأسرة سعيده
لكن للأسف في أحد الأيام حتكلمه المنظمة عشان تبلغه أنه هو وأسرته حيبقوا تحت برنامج حماية الشهود بعد هروب “Maxime” الشرير زميله من أيام المدرسة، واللي توعد ليه هو وصديقته “فالنتينا” أنه مش حيسيبوا في حاله. خصوصاً بعد ما قبض عليه “جرو” وعلم عليه.
يجد جرو نفسه وأسرته.. محتاجين يهربوا .. ويعيشوا في مدينة Mayflower بهويات جديدة، “جرو” حيبقى مندوب مبيعات للألواح الشمسية، وزوجته “لوسي” حتبقى مصففة شعر.
يا ترى حينتصر جرو على الشرير الجديد.. ده اللي حنعرفه في الجزء الرابع من Despicable Me 4 وطبعا بمساعدة جارتهم الجديدة Poppy والمينيونز Minions الخارقين أوى أوى
الفيلم فيه عدة أصوات لمشاهير الممثلين وانضم ليهم في دور الشرير Maxime الممثل Will Ferrell، وفي دور جارتم Poppy الممثلة Joey King وفي دور زوجة الشرير فالنتينا الممثلة Sofía Vergara
الفيلم ثالث أعلى فيلم ربحًا في عام 2024 حتى الآن وده لسه وهو بيتعرض في السينمات لغاية دلوقتي.
برشحة لسهرة عائلية ممتعة مع كل أفراد الأسرة
فيلم Despicable Me 4 او الحقير الجزء الرابع
أداء صوتي: كريستين ويج، ستيف كاريل، ميراندا كوسجروف، ستيف كوغان، بيير كوفين، جوي كينج
النوع: انيميشن -كوميدي- مغامرة
مدة العرض: 95 دقيقة
إنتاج شركة Universal Pictures و Illuminatio
إصدار: يوليو 2014
إخراج: Chris Renaud و بمشاركة Patrick Delage في أول ظهور له كمخرج
سلسةDespicable Me
Despicable Me (2010)
Despicable Me 2 (2013)
Minions (2015)
Despicable Me 3 (2017)
Minions: The Rise of Gru (2022)
Despicable Me 4 (2024)
