أغنية.. “رسيت على بر”
خالد عجاج .. راجع بقوة ، هو واحد من الأصوات.. الي بعدت عن الساحة فترة كبيره، ورجعلنا تاني في الحلقة الـ ١٦ من مسلسل “العتاولة” موسم رمضان 2024.. باغنية (رسيت على بر) 
..
صوته ذي ماهو لغاية دلوقتي بقوته واحساسه المميز، فكرني بأيام الزمن الجميل..
الدنيا بحر كبير و واسع
و منايا مبقاش الغريق
الليل ما بينه فرق شاسع
و بين نهار و نور جريء
يكشف عن العين الغشاوة
و دليل ينور لي الطريق
يا بحر موجُه و دواماته سايقة عليا الشر
و انا اختياري الخير و قلبي في اختياره حر
يا مركبي مسيرك لمرسى من بعد كر وفر
انا كنت عارف إني هرسى و خلاص رسيت على بر
الدنيا بحر كبير و واسع
في الرحلة انا مكمِّل طريقي
عكس اتجاه الريح بَسِير
و عيني شايفة أمل حقيقي
مش هَبقى تانى خلاص أسير
اليأس بيكَتِّف و ماضي
و ضلمة كُحل و ليل طويل
يا بحر موجُه و دواماته سايقة عليا الشر
و انا اختياري الخير و قلبي في اختياره حر
يا مركبي مسيرك لمرسى من بعد كر وفر
انا كنت عارف إني هرسى و خلاص رسيت على بر
اغنية رسيت على بر
غناء: خالد عجاج
كلمات / رامي هشام
ألحان / معتز أمين
توزيع / اسامه عبد الهادي
ميكس و ماستر / محمود علاء
مسلسل: العتاولة
إنتاج: رمضان ٢٠٢٤
