فيلم مدينة العناصر Elemental
“إذا إلتقت النارُ والماءُ .. قطعاً فالنارُ مهزومهٌ”
ده مثل صيني .. يحضرني بعد مشاهدة الفيلم الممتع Elemental
فيلم العناصر Elemental، هو عوده قوية لشركة Pixar بعد غياب 3 سنين، بيناقش فيها فكرة “التعايش” و أن بالرغم اختلافاتنا اللي ممكن تكون في ظاهرها أنه مستحيل نتقابل أصلا ً مع بعض (زي المياه والنار)، إلا أن ممكن نلاقي طرق كثير نقدر بيها نعيش مع بعض بكل حب وتقبل.
في مدينة العناصر، اللي بيعيش فيها الأربع عناصر الأساسية المياه 
– الأرض
– الهواء
– والنار 
… بتنشأ قصة حب
ما بين أكثر عنصرين من المستحيل يتقابلوا مع بعض
!؟ البطلة “آمبر” اللي بتمثل النار، بسرعة غضبها وتسرعها ..واللي حتقع في غرام “وايد” اللي بيمثل المياه؛ الشخصية الكوميدية اللطيفة والحماسية.. واللي حيطفي نار الغضب فيها.
ومننساش بعض الشخصيات الجانبية، اللي كان دمها خفيف، ذي شخصية السحابة” جايل” 
مديرة البلدية .. وأهل “وايد” ودول كلهم على بعض مسخره جداً 
.
الفيلم كمان بيناقش قضية .. توريث بعض الأهالي لأفكار أو مهن معينه.. وأنه لازم الإبن أو الإبنه تكمل مسيرتهم في الحياه .. وتأثير ده على الأولاد ..
الفيلم بيتميز بصوره وألوان مبهجه، وتعتبر القصة محبوكه إلى حد معقول، إلا أن الفكره فيها قماشه أوسع بكتير من المواقف اللي حصلت. كمان كنت أتمنى أن الجانب الكوميدي يكون أكثر من كده…
أغنية الفيلم بالنسبالي جيده.. بس لو كانت أجمد من كده .. كانت حتاخد الفيلم لحته تانيه.
في النهاية الفيلم جميل وممتع لكل أفراد الأسرة.
فيلم مدينة العناصر Elemental
اصدار: يونيه ٢٠٢٣
الفيلم من إخراج بيت سون صاحب فيلم The Good Dinosaur و Ratatouille
إنتاج: Pixar &Disney
*مناسب للمشاهده العائلية
